Kristina R. Johnsen

Årets frilanser 2025.

Med si heimøy lengst nord i Nordland som omdreiingspunkt, utforskar frilansar, skribent, kunstnar og forfattar Kristina R. Johnsen kvite flekkar på mediekartet og nordlege røynder.

– Vi treng fleire perspektiv og stemmer frå nord. Eit område lada med urgammal kunnskap og verdifull innsikt. Eit område som har blitt definert frå utsida frå dag ein, ofte som utkant. Utkant for kven? Det som er utkanten for nokon, kan være midten for ein annan. No er nord i stigande grad midtpunkt for geopolitisk trykk, seier Johnsen.

Ho er initiativtakar til Yderst, som var eit magasin frå 2013-2018 og no er vidareført til EU-prosjektet Yderst Europa om europeisk kystkultur.