Frå fotoserien «Norsk sumarmelankoli» av Marius Moldvær.
Om teksten
Eg skulle, neddyngd i papir og notatar, dela eit innsyn i det arbeidet eg har gjort medan eg har vore i residens ved Jakob Sande – senter for forteljekunst, arbeidet med Har ikkje alle tenåringsgutar hatt si seksuelle oppvakning til ein Peter Andre-plakat?, ein skeiv oppvekstroman frå bygda på nittitalet. Men, medan eg var i residens, når eg såg ut vindauget, gjekk opp og ned, fram og tilbake, i regn og sludd, so var det noko ved bygda som festa seg. Opphaldet tvang fram nokre tankar kring dei tilfeldige observasjonane, hendingane på bygda, menneska her, andleta, butikkane, dei lysande vindauga som på kveldane både syner og skjuler. Dette eg snakkar om er idear som til ein viss grad er felles, eitt band mellom oss på bygda, ein kultur, eller kanskje nokon ville meine ukultur, som boblar i sjela vår som pulvervin på varmekablar. So velkomen, kjære lesar, til bygda, eg vonar du føler deg heime.
I residens
I denne spalta inviterer vi skribentar som har vore i residens hos Jakob Sande - senter for forteljekunst, til å dele frå påbegynt arbeid.
Eg les poesi medan eg et
sakprosa når eg søv.
Dette er ikkje for å skryta
av ei eller anna medfødd evne
berre det at eg trur at mykje kunnskap er uuttalt
Det er ingen som døyr om eg ikkje skriv denne setninga
men det er ein morosam tanke å leika med
Eg kan ikkje kommareglane uansett
so om livet ditt står på spel
ikkje send melding til meg!
ikkje, send melding til meg!
Eg må ta ei avgjerd:
Enten skrapa bilen
køyra og kjøpa vin
Eller:
La heile faenskapen gravleggast i snøen.
Eg stiller ein alarm på femten minutt
Sovnar
kjøper ein sekspakning på butikken
vin er for homoar uansett
Shit
Eg parafraserer no
for at du skal forstå
parafraserer til du ikkje forstår
til eg snakkar i kodar
for å skjula mine lunkne intensjonar
ventar på at heimebrenten skal verka
slik at me begge er passe mjuke
til eg må krølle tunga mi til eit røyr
stikka den i øyra ditt som ein lur
og tuta morse for at du skal forstå meg
til eg under dekke av detta
seksti prosent og aukande
kan kviskra sweet nothings in your ear
Og du må unnskylda om eg fornærmar nokon du kjenner
men det er skikkeleg føkka korleis den svarte Poloen rusar
Gjev sånn verkeleg small dick energy
om det er noko du likar
so er det OK
men framleis passe føkka
sjølv om eg er frå bygda
treng du ikkje spela Hellbillies i gravferda mi.
Ridderen og Platon
Du er glad i dyr du, sier Ridderen. Vi sitter på T-banen som kjører inn til fjellet. Jeg reiser meg.
Sketsjen om herren Karina
"690 kroner?" ropte Karina inn i telefonen. "Ja, det var det eg betalte", svarte mannen i andre enden.
